काठमाडौं (एजेन्सी) । जापानले दुई वर्षअघि विदेशी पर्यटकको प्रवेशमा लगाएको प्रतिबन्ध फुकुवा गरेको छ ।

कोभिड–१९ महामारीपछि विदेशी पर्यटकको प्रवेशमा लगाइएको प्रतिबन्ध त्यसको दुई वर्षपछि खुला गरिएको हो ।

जापानले अहिले ९८ देश र क्षेत्रका नागरिकका लागि  प्रवेश अनुमति दिने निर्णय गरेको छ । जसमा बेलायतलगायत छन् ।

नयाँ नियममा विदेशी पर्यटकको आगमन सीमा २० हजार तोकिएको छ । नयाँ नियम आगामी जुन १० देखि लागू हुनेछ ।

विदेशी पर्यटकका लागि खुला गरिए पनि केही प्रतिबन्ध भने यथावत् छन् ।

त्यसो त विदेशी बासिन्दा र व्यापारीका लागि जापानले पहिले नै यात्रा प्रतिबन्धहरू खुकुलो पारेको थियो । विदेशी विद्यार्थीका लागि मार्चको मध्यदेखि अनुमति दिइएको थियो ।