काठमाडौं । कमल थापा नेतृत्वको राष्ट्रिय प्रजातन्त्र पार्टी, नेपाललाई गाई चुनाव चिह्न नदिने निर्णय तत्काललाई कार्यान्वयन नगर्न सर्वोच्चले अल्पकालीन अन्तरिम आदेश दिएको छ । न्यायाधीश कुमार रेग्मीको इजलासले शुक्रबार उक्त आदेश दिएको हो ।

थापाले बिहीबार चुनाव चिह्न ‘गाई’ माग्दै अदालतमा दायर गरेको रिटमाथि सुनुवाइ गर्दै उनले यस्तो आदेश दिएका हुन् ।

सर्वोच्चले निर्वाचन आयोगको निर्णय तत्काल कार्यान्वयन नगर्न अल्पकालीन अन्तरिम आदेश जारी गर्दै अन्तरिम आदेशका लागि छलफल गर्न आयोग र रिट निवेदक दुवै पक्षलाई बोलाएको छ । साउन ४ गतेका लागि बोलाइएको राप्रपा नेपालका महामन्त्री राजाराम बर्तौलाले बताए ।

बिहीबार दर्ता गरिएको रिटमाथिको पेसीमा बहस गर्न अध्यक्ष थापा शुक्रबार अदालत पुगेका थिए ।

‘गाई’ माग्दै सर्वोच्च पुगे कमल थापा