मोगादिसू । सोमालियामा थप १७ लडाकू मारिएका छन् । सुरक्षाकर्मीको कारबाहीका क्रममा बिहीबार उनीहरू मारिएको अधिकारीले जनाएका छन् ।

मारिएका सबैजना अल शबाब समूहका लडाकू भएको जनाइएको छ । सोमालियाको सेनाले सुरक्षा कारबाही अझै पनि तीव्र रुपमा जारी रहेको जनाएको छ । देशको हालेस, क्वासाली, नुसफानक्सा, बुबुर लागयतका ठाउँमा अतिवादी लडाकू समूह विरुद्धको कारबाही चलाइएको हो ।

सोमालियामा यस वर्षको सुरु देखि नै सुरक्षा कारबाहीलाई तीव्रता र प्राथमिकता दिइएको अधिकारीहरूले जनाएका छन् । सुरक्षाकर्मीहरुले लक्षित गरेको सो शबाब समूहले देशका कतिपय ठाउँ आफ्नो नियन्त्रणमा रहेको दाबी गर्दै आएको छ ।

त्यसैगरी कतिपय उच्च पदस्थ अधिकारीहरूलाई सो समूहले आक्रमण गरेको थियो ।