काठमाडौं । देशभरका सबै सरकारी वेबसाइट एकसाथ अवरुद्ध बनेका छन् । ‘जीओभी डट एनपी’ डोमेनमा समस्या आउँदा नेपाल सरकारका सबै वेबसाइट डाउन भएका हुन् ।

राष्ट्रिय सूचना प्रविधि केन्द्रले शनिबार बिहानबाट सर्भरमा समस्या आएको र दिउँसोदेखि डाउन भएको जनाएको छ ।

सर्भर डाउन हुँदा त्रिुभवन अन्तर्राष्ट्रिय विमानस्थलको उडान सेवा करिब एक घण्टादेखि अवरुद्ध बनेको छ ।

राष्ट्रिय सूचना केन्द्रले सर्भरमा ह्याक हुँदा सरकारी बेवसाइटमा समस्या आएको जनाएको छ । केन्द्रका अनुसार यसलाई समाधान गर्न प्राविधिक टोली खटिएका छन् । प्राविधिक समूहले काम गरिरहेका अबको केहीबेरमा समस्या समाधान हुने केन्द्रले विश्वास लिएको छ ।