एजेन्सी । पाकिस्तानको निजी टेलिभिजन च्यानल ‘एक्सप्रेस न्युज’ को ‘प्राइम टक सो’ मा अतिथि बनेर आएकाहरूबीच हानाहान भएको छ ।
टक सो कै बीच हानाहान भएको एक भिडियो अहिले पाकिस्तानको सोसल मिडियामा भाइरल बनेको छ ।

बीबीसी उर्दुले जनाएको अनुसार पाकिस्तान मुस्लिम लिग-नवाज (पीएमएल-एन का सिनेटर डा. अफनानुल्लाह खान) र पाकिस्तान तेहरेक–ए–इन्साफ (पीटीआई) कोर कमिटी सदस्य एवं अधिवक्ता शेर अफजल खानबीच कार्यक्रमकै बीच हानाहान भएको हो ।

सोसल मिडिया प्रयोगकर्ताहरूले कुटाकुट घटनाको आलोचना गर्दै कार्यक्रम सञ्चालककै गल्ती देखाएका छन् । कार्यक्रम वरिष्ठ पत्रकार जावेद चौधरीले होस्ट गरेका थिए ।

जावेदको कार्यक्रममा यस्तो झगडा भएको पहिलो पटक भनेहोइन । यसअघि जुन २०२१ मा तत्कालीन पीटीआई नेता फिरदोस आशिक अवानले पाकिस्तान पिपुल्स पार्टी (पीपीपी) का नेता कादिर मण्डुखेललाई थप्पड हानेका थिए ।