काठमाडौं । भान्छामा पकाइने तरकारीलाई हामी मध्ये धेरैले स्वादका रुपमा मात्र हेर्ने गर्छौँ । तर, यी तरकारीहरुले हाम्रो स्वास्थ्यमा के कस्तो प्रभाव पार्छ भन्ने कुरा पनि जान्न जरुरी छ । स्वादिष्ट लाग्छ भन्दैमा धेरै जसो एकै किसिमका तरकारी वा साग सब्जीमात्र पकाउनु स्वास्थ्यको लागि असन्तुलित हुन जान्छ । आज हामी नेपाली बजारमा सजिलै पाइने तरकारी बन्दागोबीको फाइदा बारे चर्चा गर्छौँ ।

बन्दागोबी मधुमेह, उच्च रक्तचाप, कालेस्ट्रोल, मोटोपना र मुटुरोगीहरुको लागि स्वास्थ्यवर्धक तरकारी मानिन्छ ।

बन्दागोबीमा प्रशस्त मात्रामा फाईबर पाइन्छ । त्यस्तै यसमा भिटामिन के, सी, ए, आइरन र फोलेटको पनि राम्रो स्रोत मानिन्छ ।

यसमा क्यालोरी कम हुन्छ, जसले गर्दा मधुमेह बिरामीका लागि उपयुक्त मानिन्छ ।

यसमा पाइने एन्टिअक्सिडेन्टले विशेष गरेर दीर्घरोगहरु लाग्नबाट बचाउँछ ।

समग्र रुपमा यसले मुटु स्वास्थ्यलाई सुधार गर्छ र उच्च रक्तचाप नियन्त्रणमा सकारात्मक परिवर्तन ल्याउँछ ।

मधुमेह, मोटोपना भएकाहरुलाई बन्दागोबी उपयुक्त मानिन्छ । यसमा पाइने घुलनशील फाइबर र प्लान्ट स्टेरोलले कोलेस्ट्रोल घटाउन मद्दत गर्दछ ।