काठमाडौं । बजेट निर्माणमा चलखेल गरेको आरोप लागेका पूर्वनासु रघुनाथ घिमिरेले भ्रष्टाचार मुद्दामा सफाइ पाएका छन् । अख्तियार दुरुपयोग अनुसन्धान आयोगले उनलाई गैरकानुनी सम्पत्ति आर्जनको अभियोगमा गत वर्ष मुद्दा दायर गरेको थियो ।

बिशेष अदालतले बिहीबार उनलाई सफाइ दिएको हो । उनीसँग पाँच करोड २५ लाख अवैध सम्पत्ति रहेको अख्तियारको दाबी थियो । उनकी श्रीमती शारदा गौतमलाई पनि प्रतिवादी बनाइएकोमा उनले पनि सफाइ पाएकी छिन् ।

भन्सारमा लामो समय काम गरेका पूर्वनासु घिमिरे माओवादी नेता जनार्दन शर्मा निकट हुन् । शर्मा अर्थमन्त्री हँुदा बजेटको अघिल्लो दिन करका दर हेरफेरमा उनले सेटिङ मिलाएको आरोप लागेको थियो ।