काठमाडौं । कपिलवस्तुको भूमिसुधार तथा मालपोत कार्यालय, तौलिहवाका नायब सुब्बा नरहरी खनाल घुससहित रंगेहात पक्राउ परेका छन् । जग्गा नामसारी गर्ने प्रयोजनार्थ सेवाग्राहीसँग घुस माग गरिरहेको भन्ने सूचना एवं उजुरी निवेदनका आधारमा अख्तियार दुरुपयोग अनुसन्धान आयोगको कार्यालय, बुटवलबाट खटिएको टोलीले सोमबार उनलाई पक्राउ गरेको हो ।
३० हजार रुपैयाँ घुससहित उनलाई मालपोत कार्यालय, तौलिहवा, कपिलबस्तुको कर्मचारी आवासबाट पक्राउ गरिएको अख्तियारले जनाएको छ ।