काठमाडौं । नेपाल प्रहरीका चार एसपीको एसएसपीमा बढुवा सिफारिस भएको छ । शुक्रबार बेलुका बसेको बढुवा समितिको बैठकले सिफारिस गरेको हो ।

एसपीहरु श्यामकृष्ण अधिकारी, भिम प्रसाद दाहाल, रबिन्द्र रेग्मी र नान्तीराज गुरुङको बढुवा सिफारिस भएको हो । उनीहरुमध्ये अधिकारी विवादास्पद प्रहरी अधिकारी हुन् । बाँकेको प्रमुख हुँदा आर्थिक अनुशासनसम्बन्धि विषयमा उनी कारबाहीमा परेका अधिकृत हुन् । राष्ट्रिय अनुसन्धान विभागबाट चलखेलका आधारमा स्थानान्तरण भएका उनी अकुत सम्पत्ति आर्जन गरेका अधिकृतका रुपमा चिनिन्छन् । स्थानीय तहको निर्वाचनमा उनी बाँकेबाट बिदामा तनहुँ आएर कांग्रेसका उम्मेदवार जिताउन सक्रिय भूमिका खेलेका थिए । इमान्दार अधिकृतलाई छुटाएर उनको बढुवा सिफारिस गरेपछि धेरैले प्रश्न गरेका छन् ।

त्यस्तै, चार डिएसपीको पनि एसपीमा बढुवा सिफारिस भएको छ । प्रदीप क्षेत्री, एकनारायण कोइराला, नारायण रंजितकार र अनन्त शर्माको बढुवा सिफारिस भएको हो । उनीहरु चारै जना सिनियर भएको र यसअघि बढुवामा छुटेकाले एसपी बढुवामा भने कुनै विवाद भएको छैन ।