काठमाण्डौ । काठमाण्डौको थापाथलीमा भएको दुर्घटनामा एक महिलाले ज्यान गुमाएकी छिन् ।
पानी ट्यांकरले मोटरसाइकललाई ठक्कर मोटरसाइकलमा सवार ६२ वर्षकी सरस्वती तुलाधरको ज्यान गएको हो ।

माइतीघरबाट थापाथलीतर्फ गुडिरहेको मधेस प्रदेश ०१ ००१ क २५१९ नम्बरको ट्याङ्करल सोही दिशातर्फ गुडिरहेको बा २८ प ४८६७ नम्बरको मोटरसाइकललाई ठक्कर दिँदा दुर्घटना भएको थियो ।
मोटरसाइकल चालक ६९ वर्षका ध्रुबराज तुलाधरको नर्भिक अस्पतालमा उपचार भइरहेको काठमाण्डौ उपत्यका ट्राफिक प्रहरी कार्यालयले जनाएको छ । ठक्कर दिने ट्याङ्कर चालकलाई प्रहरीले पक्राउ गरेको छ ।