काठमाडौं । शुक्रबार भक्तपुरमा भएको दुर्घटनामा छात्राको मृत्यु भएको छ । अक्सफोर्ड प्राक्टिकल स्कुलको बा२क ९९११ नं को बसको ठक्करबाट सोही स्कुलमा अध्ययनरत सूर्यविनायक नगरपालिका‐५ कटुन्जेका रेजकुमार नेपालकी छोरी ६ वर्षीया रियान्सीको मृत्यु भएको हो ।
प्रहरीका अनुसार स्कुलबाट घर फर्कने क्रममा बसबाट ओर्लिएलगत्तै सोही बसले ठक्कर दिदा गम्भीर घाइते भएकी थिइन् । डा इवामुरा अस्पताल लगिएकोमा अस्पतालले मृत्यु भइसकेको घोषणा गरेको थियो। प्रहरीले भक्तपुर नगरपालिका‐२ ख्वामा बस्ने ५९ वर्षीय चालक कान्छा देउपाललाई बससहित नियन्त्रणमा लिएको छ। जगाती वृत्तले उनीमाथि कारबाही अघि बढाएको छ ।