काठमाडौैं । खानेपानी कार्यालयका प्रमुखसहित पाँच जना भ्रष्टाचार मुद्दामा दोषी ठहर भएका छन् । हुँदै नभएको कामको नक्कली बिल बनाएर भ्रष्टाचार गरेको कसुरमा खानेपानी, सिंचाई तथा उर्जा विकास कार्यालय मुगुका तत्कालिन प्रमुख राजिव रिमालसहितलाई बिशेष अदाललते आइतबार ठहर गरेको हो ।
त्यस्तै, सव–इन्जिनियर नरबहादुर लावड तथा उपभोक्ता समितिका अध्यक्ष तेजबहादुर शाही, उपाध्यक्ष हिराबहादुर शाही र सचिव तिर्थबहादुर शाही पनि दोषी ठहर भएका छन् ।
सोरु गाउँपालिका ५ मा सिंचाई आयोजना बनाउँदा उपभोक्ता समितिमार्फत पाँच लाख ६१ हजार हिनामिना भएको भन्दै अख्तियार दुरुपयोग अनुसन्धान आयोगले गत २ बैशाखमा मुद्दा दायर गरेको थियो ।