काठमाडौं । हनि ट्रयापिङ गिरोहसँग मुछिएका एसपी कमल थापामाथि प्रहरीको केन्द्रीय अनुसन्धान ब्यूरोले अनुसन्धान थालेको छ । ललितपुर प्रहरीले अनुसन्धान गर्दै आएकोमा बुधबार सिआइबीलाई फाइल बुझाइएको छ ।
ललितपुर प्रहरीले सो गिरोहमा आबद्ध प्रहरीसहित चार जनालाई पक्राउ गरी सिआइबीमा बुझाएको हो । ललितपुरको भैंसेपाटी प्रभागकी तत्कालिन प्रमुख रहेकी इन्सपेक्टर बिनुकुमारी शाही र इटहरीका ताज इस्लामको समूहले एक व्यापारीलाई थुनामा राखी बलात्कार मुद्दामा फसाउने भन्दै ३० लाख रुपैयाँ लेनदेन गरेको थियो । सो घटनामा इन्सपेक्टर शाही फरार छिन् भने एसपी थापा पनि योजनामा देखिएका छन् ।
घटना संगठित प्रकतिको रहेको भन्दै सिआइबीलाई अनुसन्धानको जिम्मेवारी दिइएको हो । अख्तियार दुरुपयोग अनुसन्धान आयोगमा कार्यरत एसपी थापालाई यसअघि त्यहाँबाट हटाइएको छ।