काठमाडौं । अमेरिकी राष्ट्रपति निर्वाचनमा विजयी भएपछि डोनाल्ड ट्रम्पले पहिलो पटक आफ्नो कर्मचारी नियुक्त गरेका छन् ।

सुजी वाइल्सलाई ट्रम्पले बिहीबार ह्वाइट हाउसको चीफ अफ स्टाफमा नियुक्त गरेका हुन्।

वाइल्स राष्ट्रपति चुनाव अभियानमा ट्रम्पकी प्रबन्धक थिइन् ।

वाइल्सलाई ह्वाइट हाउस चीफ अफ स्टाफको रूपमा नियुक्त गर्दै ट्रम्पले उनीबाट आफूलाई सबैभन्दा ठूलो राजनीतिक विजय हासिल गर्न मद्दत मिलेको उल्लेख गरेका छन् ।

वाइल्स अमेरिकाकी प्रभावशाली नेत्री हुन् । योसँगै उनी उक्त पद पाउने प्रथम महिलासमेत बनेकी छन् ।

सन् १९७९ बाट राजनीतिक यात्रा सुरु गरेकी उनीसँग चुनाव व्यवस्थापनको लामो अनुभव रहेको छ ।

अमेरिकाको राष्ट्रपति प्रशासनमा चिफ अफ स्टाफको उल्लेख भूमिका रहने गर्छ । उनले अब ह्वाइट हाउसमा प्रमुख नीतिहरूका साथै सचिवालयको नेतृत्व गर्नेछिन् ।