काठमाडौं (एजेन्सी) । अमेरिकी राष्ट्रपति डोनाल्ड ट्रम्पले करको सम्बन्धमा अर्को आदेश जारी गरेका छन्। उनले एक नयाँ अनुसन्धानको आदेश दिएका छन् जसले काठ र फर्निचर जस्ता उत्पादनहरूमा थप कर लगाउन सक्नेछ।

ह्वाइट हाउसले क्यानडा, जर्मनी र ब्राजिलले काठ उत्पादनमा अनुदान दिने र यसले संयुक्त राज्य अमेरिकालाई हानि पुर्‍याउने बताएको छ। नयाँ करहरू क्यानाडाको नरम काठमा पहिले नै लगाइएको शुल्क र अर्को हप्तादेखि सबै क्यानाडाली आयातहरूमा लाग्ने २५ प्रतिशत करबाहेक हुनेछ ।

ट्रम्पले फेब्रुअरीमा क्यानडा, मेक्सिको र चीनबाट आयात हुने सामानमा कर लगाउने घोषणा गरेका थिए। दोस्रो पटक राष्ट्रपतिको जिम्मेवारी सम्हालेदेखि नै ट्रम्पले क्यानडालाई अमेरिकाको ५१औं राज्य बनाउन माग गरिरहेका छन् जसलाई क्यानडाले अस्वीकार गर्दै आएको छ।