हिमाञ्चल प्रदेशमा दुर्घटना : छ प्रहरी अधिकारीको मृत्यु

क्यानडामाथि ५० प्रतिशत भन्सार लगाउने ट्रम्पको घोषणा

हिमाञ्चल प्रदेशमा दुर्घटना : छ प्रहरी अधिकारीको मृत्यु

नेपालवाच २०८० साउन २७ गते ११:१०

नयाँदिल्ली । भारतको उत्तरी पहाडी राज्य हिमाञ्चल प्रदेशमा शुक्रबार भएको सडक दुर्घटनामा परी कम्तीमा छ जना प्रहरी अधिकारीको मृत्यु भएको सरकारी स्रोतले पुष्टि गरेको छ । राज्यको चम्बा जिल्लामा प्रहरी गस्तीमा गएका बेला दुर्घटना भएको हो ।

ठूलो ढुङ्गाले ठक्कर दिएपछि प्रहरी चढेको गाडी अनियन्त्रित भई सडकबाट चिप्लिएर गहिरो खाल्डोमा खसेको थियो । दुर्घटनामा एक स्थानीयको पनि मृत्यु भएको छ ।

दुर्घटनामा परी अर्का एक स्थानीय बासिन्दा र तीन जना प्रहरी घाइते भएको प्रहरीले जनाएको छ । घाइतेहरुलाई स्थानीय अस्पतालमा भर्ना गरिएको छ ।