काठमाडौं । चितवनको भरतपुर महानगरपालिकामा गठबन्धनका तर्फबाट माओवादी केन्द्रकी उम्मेदवार रेनु दाहालले मेयरका लागि मनोनयन दर्ता गरेकी छन् ।

सोमबार माओवादी केन्द्रको पार्टी कार्यालयबाट समर्थकसहित मुख्य निर्वाचन अधिकृतको कार्यलय पुगेर दाहालले उम्मेदवारी दर्ता गराएकी हुन् ।

उनलाई सत्तारुढ दल नेपाली कांग्रेस, माओवादी केन्द्र, नेकपा एकीकृत समाजवादी, जनता समाजवादी पार्टी र राष्ट्रिय जनमोर्चाको समर्थन रहेको छ ।

गत निर्वाचनमा एमालेका उम्मेदवार देवी ज्ञवालीसँग २०३ मतान्तरले जितेकी दाहालले यो पटक विजय सुवेदीसँग प्रतिस्पर्धा गर्दै छिन् ।

तर कांग्रेसबाट स्वतन्त्र उम्मेदवारी परिसकेकाे छ ।

कांग्रेसका पूर्व सांसद जगन्नाथ पाैडेलले उम्मेदवारी दर्ता गराएका हुन् । उनकाे उम्मेदवारी फिर्ता गराउन नसके एमालेसँग प्रतिस्पर्धा गर्न रेनुलाई कठिन पर्नेछ ।