काठमाडाैं । निर्वाचन आयोगले निर्वाचनलाई प्रत्यक्ष रुपमा असर पर्ने गरेर सामाजिक सञ्जालमा गलत र तथ्यहीन समाचार आइरहेकोमा आपत्ति जनाएको छ । यस्ता  भ्रामक समाचार सामाजिक सञ्जालमा पोष्ट हुँदा निर्वाचनको स्वच्छता र गरिमामासमेत आँच पुग्ने भएकाले यस्ता क्रियाकलाप नगर्न, नगराउन आयोगले चेतवानी दिएको छ ।

आयोगले उम्मेदवार तथा राजनीतिक दलहरुलाई मिथ्या सूचना, दुष्प्रचार र द्वेषपूर्ण अभिव्यक्ति दिनेलाई कारबाही गर्ने चेतावनीसमेत दिएको छ । साथै आयोगले

निर्वाचन आचारसंहिता विपरित जानेलाई  निर्वाचन आयोग ऐनको दफा २३ र निर्वाचन कसुर ऐन र प्रचलित कानुन अनुसार कारबाही गर्ने बताएको छ ।

आयोगले निर्वाचन स्वच्छ, निष्पक्ष र शान्तिपूर्वक सम्पन्न होस् भन्नका लागि पत्रकार सम्मेलन गरेको जानकारी गराएको छ ।