काठमाडौं । चलचित्र विकास बोर्डका अध्यक्ष भुवन केसीको नियुक्ति खारेज गर्नुपर्ने माग गर्दै सर्वोच्च अदालतमा दायर रिट हेर्न नभ्याइने सूचीमा राखिएको छ ।

सो मुद्दा आज पनि सुनुवाइ हुन नसकेपछि सर्वोच्च अदालतले हेर्न नभ्याइने सूचीमा राखेको हो ।

आज यो मुद्दा न्यायाधीशद्वय प्रकाशमानसिंह राउत र सुष्मालता माथेमाको संयुक्त इजलासमा परेको थियो । अबको पेशी दशैंपछि मात्र तोकिन सक्ने सम्भावना रहेको बताइएको छ ।

केसीको शैक्षिक योग्यतामाथि उनीहरूले प्रश्न उठाउँदै नरेशकुमार पौड्यालसहित पाँचजना अध्यक्षका दाबेदारले गत साउन ३० मा उनीविरुद्ध मुद्दा हालेका थिए ।

उनीहरूले प्रधानमन्त्री तथा मन्त्रिपरिषद्को कार्यालय, सञ्चार तथा सूचना प्रविधि मन्त्रालय, चलचित्र विकास बोर्ड र अध्यक्ष केसीलाई विपक्षी बनाई रिट दायर गरेका थिए ।

हिन्दीमा डबिङ भएको प्रेमगीत -३ ले पायो नेपाली चलचित्रको मान्यता