काठमाडौं । ललितपुरमा एकैघरमा पाँच जनाको मृत्यु भएको छ । कोन्जोसोम गाउँपालिका ४ नल्लुस्थित काइली स्याङतानको परिवारका पाँच सदस्यको निसास्सिएर मृत्यु भएको हुन सक्ने प्रहरीले जनाएको छ ।

पाँच जनामध्ये चार जनाको सुतेकै ठाउँमा मृत्यु भएको र नवजात शिशुको पाटन अस्पतालमा मृत्यु भएको ललितपुर प्रहरीले जनाएको छ ।

२२ वर्षीया बुहारी शुष्मा सुत्केरी भएकोले आगो बालेर सुत्दा निसास्सिएर मृत्यु भएको हुन सक्ने प्रहरीको प्रारम्भिक अनुमान छ ।

यसरी सुतेकै ठाउँमा मृत्यु हुनेमा घरमुली ५५ वर्षीया काइली तामाङ, बुहारी २२ वर्षीया शुषमा स्याङतान, ९ वर्षका नाति आशिश स्याङतान र पाँच वर्षकी नातिनी आशमा स्याङतानको सुतेकै अवस्थामा ज्यान गएको हो ।

दुई दिने नाबालकको भने उपचारको क्रममा पाटन अस्पतालमा मृत्यु भएको प्रहरीले जनाएको छ ।

२३ वर्षका नाती शुभाष स्याङतान घाइते भएपछि उपचार भइरहेको प्रहरीले जनाएको छ ।