चामे गाउँपालिकाको बजेट ३१ करोड ३७ लाख
मनाङ । हिमाली जिल्ला मनाङको चामे गाउँपालिकाले आगामी आर्थिक वर्ष २०७९/८० का लागि रु ३१ करोड ३७ लाख ७४ हजारको बजेट विनियोजन गरेको छ ।
बसपार्क र उद्योगग्राम निर्माणसहितको पूर्वाधार निर्माणलाई प्राथमिकतामा राखेर गाउँपालिकाका उपाध्यक्ष मिङमार ढोमा लामाले बजेट सार्वजनिक गरेका छन् । गाउँपालिकाले चालु खर्चतर्फ १० करोड १४ लाख ९७ हजार रूपैयाँ विनियोजन गरेको छ । पुँजीगत खर्चतर्फ २१ करोड २२ लाख ७७ हजार रूपैयाँ विनियोजन गरिएको छ ।
चालु खर्चमा सङ्घ सरकारबाट राजस्व बाँडफाँटतर्फ चार करोड ३७ लाख ९९ हजार रूपैयाँ, सशर्त अनुदानतर्फ रु पाँच करोड ४४ लाख रूपैयाँ विनियोजन गरिएको छ । चालु खर्चमा प्रदेश सरकारबाट राजस्व बाँडफाँटतर्फ छ लाख ४८ हजार रूपैयाँ, गाउँपालिकाको आन्तरिक आयतर्फ २६ लाख ५० हजार रूपैयाँ विनियोजन गरिएको छ ।
पुँजीगत खर्चमा सङ्घीय सरकारबाट समानीकरण अनुदानतर्फ सात करोड १३ लाख रूपैयाँ, सशर्त अनुदानतर्फ दुई करोड ७० लाख रूपैयाँ, समपुरक अनुदान (विपद् व्यवस्थापन) तर्फ मस्र्याङ्दी नदी र ठाडो खोलामा (तटबन्ध) तर्फ रु एक करोड ७० लाख, अन्य अनुदानतर्फ रु दुई करोड ९६ लाख ५७ हजार विनियोजन गरिएको छ ।
सङ्घ सरकारकाले अन्य अनुदानको रुपमा मनाङको सदरमुकाम चामेमा बसपार्क निर्माण र उद्योगग्राम निर्माण गर्ने लक्ष्य लिएको छ । प्रदेश सरकारबाट समानीकरण अनुदानतर्फ रु ४२ लाख ५७ हजार, विशेष अनुदानतर्फ रु ७० लाख, समपुरक अनुदानतर्फ रु ५० लाख विनियोजन गरिएको छ । प्रदेश सकारबाट विनियोजित विशेष अनुदानमार्फत लोकप्रिय माध्यमिक विद्यालयको छात्रावास भवन निर्माण र समपुरक अनुदानमार्फत थानचोक स्वास्थ्य चौकी निर्माण गरिनेछ ।
गतवर्ष मस्र्याङ्दी नदीमा आएको बाढीले उक्त विद्यालय र स्वास्थ्य चौकीमा क्षति पु-याएकोले मर्मतका लागि बजेट विनियोजन गरिएको हो । आन्तरिक आय ९गत वर्षर्का मौज्दात० रु चार करोड ५० लाख ६३ हजार रहेको छ ।
गाउँपालिकाका अध्यक्ष लोकेन्द्रबहादुर घलेले चामे बजारमा खानेपानी विस्तार र ढल निकास आयोजना साझेँदारी कार्यक्रमलाई प्राथमिकता दिइएको बताउनुभयो । उहाँले चामेमा विद्युत् आयोजना निर्माण, स्यार्कु शीत भण्डार निर्माण, प्रकोप व्यवस्थापन तथा उद्दार कोष र कृषि, पशु क्षेत्रमा विकास तथा विस्तार लगायतका कार्यक्रम गाउँपालिकाले समेटेको बताए ।
आवासीय विद्यालय सञ्चालन, दिवा खाजा कार्यक्रम, शिक्षा, स्वास्थ्य, खेलकुद, सीपमूलक तालिम, लघु उद्यम विकास कार्यक्रम, विद्युत् कुलोदेखि स्याउबारीसम्म तटबन्ध, बस्ती संरक्षण, कजिन सारा ताल पर्यटकीय भ्रमण, सङ्गठन तथा व्यवस्थापन सर्वेक्षण लगायतका योजनालाई गाउँपालिकाले गौरवको योजनाका रुपमा प्राथमिकतामा राखेको छ । (रासस)
ताजा अपडेट
-
सहकारी ठगीमा संसदीय समिति बनाउन सहमति, कानूनमन्त्रीको नेतृत्वमा मस्यौदा कार्यदल गठन
-
राष्ट्रिय परिचयपत्र हुनेले अब लाइसेन्स बोक्नु नपर्ने
-
२५ चालकमाथि चेकजाँच हुँदा ६ जनाले लागुऔषध सेवन गरेर सवारी चलाएको भेटियो
-
नेपाल प्रहरीका चार एसएसपीको डिआइजीमा बढुवा सिफारिस, यही ब्याचबाट आइजिपी हुने
-
ट्रकको ठक्करबाट धादिङमा मोटरसाइकल चालकको मृत्यु
प्रतिक्रिया