काठमाडौं । होटल याक एण्ड यतीले सरकारी बक्यौता बुझाउन आनाकानी गरेपछि सरकारले असुलउपर प्रक्रिया अघि बढाएको छ ।

सरकारी बाँकी बक्यौता उठाउने अख्तियार प्राप्त महालेखा नियन्त्रक कार्यालय, कुमारीचोक तथा केन्द्रीय तहसिल कार्यालयले होटल याक एण्ड यतीको नाममा बक्यौता देखिएपछि भुक्तानीका लागि लामो समयदेखि आग्रह गर्दै आइरहेको छ ।  तर यो होटलले पटक-पटकको आग्रह बेवास्ता गर्दै आएको कार्यालयले जनाएको छ ।

पञ्चायतका ‘बेइमान माननीय’, जसको हिसाब अझै सरकारी खातामा छ

होटल याक एण्ड यतीले कार्यालयबाट गरिएको लिखित पत्राचार बेवास्ता गरेपछि रकम बुझाउन अन्तिम पटक ३५ दिने अल्टिमेटम दिइएको छ । यो समयावधिभित्र पनि रकम भुक्तानी नगरेमा कानूनबमोजिम असुलउपर प्रक्रिया थाल्ने कार्यालयले जनाएको छ ।

कार्यालयका अनुसार, यो होटलले फागुन महिनाको ब्याजसहित कुल २० करोड ८ लाख ६६ हजार ४३८ रूपैयाँ सरकारलाई तिर्न बाँकी छ ।

होटल याक एण्ड यतीका सञ्चालक राधेश्याम सराफ हुन् । उनको छोरी रत्नादेवी, छोरा अरुण र उमेश पनि यसका सदस्य हुन् ।

बहालवालादेखि अवकाशप्राप्त यी १७ कर्मचारीले तिरेनन् सरकारी बक्यौता, बुझाउन ३५ दिने अल्टिमेटम