नेपाल एसिसी प्रिमियर लिगकाे फाइनलमा

रुस-युक्रेन वार्ता : जेलेनस्कीले गरे ट्रम्पलाई टर्की भ्रमण गर्न आग्रह

नेपालवाच २०८० वैशाख १६ गते १७:०८

काठमाडाैं । नेपाल एसिसी प्रिमियर लिगकाे फाइनलमा प्रवेश गरेकाे छ ।

त्रिवि क्रिकेट मैदानमा शनिबार सम्पन्न सेमिफाइनल खेलमा नेपाल कुवेतलाई राेक्दै फाइनल प्रवेश गरेकाे हाे ।

वर्षाले खेल प्रभावित भएपछि नेपाल समूह विजेता भई सेमिफाइनल प्रवेश गरेको आधारमा सोझै फाइनलमा पुगेको हाे ।

यसक्रममा पटक–पटक वर्षा भएपछि खेल ४२ ओभरमा छोट्याइएको थियो ।

नेपालका लागि कप्तान रोहित पौडेलले सर्वाधिक ९४ रनको योगदान दिए । उनले ९५ बलमा सात चौका र तीन छक्काको सहयोगमा ९४ रन बनाएका हुन् ।

कुशल मल्लले ४४ बलमा चार चौका र चार छक्काको सहयोगमा ५७ रनको अर्धशतकीय इनिङ खेले । त्यस्तै कुशल भुर्तेलले ४३ रन बनाए भने आसिफ शेखले ३१ रन बनाए । आरिफ शेखले १९ रन बनाउँदा सोमपाल कामी १३ रनमा अविजित रहे ।

कुवेतका लागि कप्तान मोहम्मद अस्लाम र अदनान इद्रिसले समान तीन/तीन विकेट लिए भने सयद मोनिव र यासिन पटेलले समान एक/एक विकेट लिए ।