काठमाडौं । एसीसी प्रिमियर कपको फाइनलमा यूएई ११७ रन बनाएर ३३.१ ओभरमै अलआउट भएको छ ।

पटक–पटकको वर्षापछि सोमबार स्थगित खेल सोही अवस्थामा अहिले बिहान ९ बजेबाट सुरु भएको थियो । जसमा युएई ११७ रन बनाएर अलआउट भएको हो ।

युएईका लागि आसिफ खानले ५४ बलमा ७ चौका र १ छक्काको सहयोगमा ५४ रन, ओपनर आर्यान लाक्राले २८ बलमा २३ रन, वासिलले २७ बलमा १० रन, कप्तान तथा ओपनर मुहम्मद वासिमले १ चौका र १ छक्काको सहयोगमा ८ बलमा ११ रनको योगदान दिए ।

यसक्रममा नेपालका ललितनारायण राजवंशीले ७ दशमलब १ ओभरमा १४ रन खर्चिएर ४ विकेट लिए । करण केसी र सन्दीप लामिछानेले समान २÷२ तथा गुलसन झा,सोमपाल कामीले १÷१ विकेट लिए ।