काठमाडौं । २ लाख रुपैयाँ घुससहित अख्तियार दुरुपयोग अनुसन्धान आयोगले एक जनालाई पक्राउ गरेको छ । काठमाडौैंको चन्द्रागिरी नगरपालिका वडा नम्बर २ बस्ने धुब्र बहादुर कडायतलाई आयोगले पक्राउ गरेको हो । उनले चन्द्रागिरी २ का वडाअध्यक्ष भाई कृष्ण तामाङको निर्देशनमा घुस लिएका हुन् ।
व्यवसाय स्थानान्तरणको सिफारिसका लागि वडा अध्यक्ष तामाङले कडायतमार्फत घुस असुलेका हुन् । अख्तियारको केन्द्रीय कार्यालयबाट खटिएको टोलीले उनलाई बुधबार साँझ बलम्बुबाट पक्राउ गरेको हो । यसमा वडाअध्यक्ष तामाङविरुद्ध समेत अनुसन्धन हुने आयोगले जनाएको छ ।