NepalWatch

News Portal For Eeverything In Nepal from Nepal

२०८० फागुन १९ गते

विवादपछि बालुवाटारमा ओली–प्रचण्डबीच भेट

काठमाडाैं । भेट प्रधानमन्त्री केपी ओली र नेकपाका कार्यकारी अध्यक्ष पुष्पकमल दाहाल प्रचण्डबीच बालुवाटामा भेटवार्ता भएको छ । ‘फूट वा जुट’को अन्तिम कसरमा रहेको नेकपाको भविष्यबारे दुई अध्यक्षबीच सघन संवाद हुने भएकाले यस भेटलाई महत्वका साथ हेरिएको छ । केही समयअघि प्रधानमन्त्री ओलीले पार्टी अलगअलग गर्ने प्रस्ताव ल्याएपछि नेकपा विवाद फुटको संघारमा उभिएको थियो । ओलीले पार्टी निर्णयअनुसार अघि नबढे, विना सहमति मन्त्रीमण्डल पुनर्गठन गरेको तथा नेकपा कर्णाली प्रदेशको संसदीय दलमा ओली समूहका सांसदहरुले प्रचण्ड समूहका मुख्यमन्त्री महेन्द्रबहादुर शाहीविरुद्ध अविश्वास प्रस्ताव ल्याएपछि नेकपाभित्र धाँजा फाटेको थियो ।