नरसिंह बराल,बुटवल । बुटवलमा मोटरसाइकल र स्कुटर आपसमा ठोक्किँदा दुई जना घाइते भएका छन् ।

त्रिलोत्तमा नगरपालिकाको नयाँमिल चोकमा आइतबार राति करिब साढे ८ बजे लु ८१ प ९३१ नम्बरको स्कुटर र लु १८ प ८७७३ नम्बरको मोटरसाइकल ठोक्किएर दुर्घटना भएको हो ।

जिल्ला प्रहरी कार्यालय, रूपन्देहीका अनुसार घटनामा स्कुटर चालक त्रिलोत्तमा निवासी ३७ वर्षीय मञ्जु पन्थी र मोरसाइकल चालक समरमई नगरपालिकाका दीपक यादव घाइते भएका छन् । घाइतेमध्ये एकको अवस्था गम्भीर छ ।

दुवै घाइतेको अहिले बुटवलस्थित क्रिमसन अस्पतालमा उपचार भइरहेको प्रहरीले जनाएको छ ।