एजेन्सी। भोकले हाम्रो दिमागलाई धेरै तरिकाबाट असर गर्न सक्छ ।थोरै समयका लागि भएपनि भोकले हाम्रो भावना र दिमागमा नराम्रो असर पार्ने गरेको अनुसन्धानले देखाएको छ । नकरात्मक भावना र ‘मुड अफ’को कारण भोक पनि हुने गरेको अनुसन्धानले जनाउँछ ।

भोक लागेको समयमा हाम्रो मनमा विभिन्न सोच आउने गर्छन् । उक्त समयमा पलाएका सोचहरु प्रायः नकरात्मक हुने भएकाले हामीले ती सोचहरुलाई बुझ्दैनौ । त्यसैले त्यसले हाम्रो सोच्ने तरिकामा गम्भीर असर पार्न सक्छ ।

१ सय २९ महिलालाई १४ घण्टा भोकै राखेर गरिएको अध्ययन

नेदरल्यान्ड्सको युनिभर्सिटी अफ ग्रोनिन्जेनका मनोवैज्ञानिक निएनके जोन्कर र उनका सहकर्मीहरुले १२९ महिलामाथि अध्ययन गरेका थिए ।
ती मध्ये आधा महिलाहरुलाई १४ घण्टा भोकै राखिएको थियो । त्यसपछि उनीहरुलाई भोकको स्तर, खाने बानी र मुडको बारेमा सोधिएको थियो ।

उक्त अनुसन्धान अनुसार भोकै राखिएका ती महिलाहरुमा नकरात्मक भावना, डिप्रेसन, क्रोध, तनाव थकान र भ्रम बढी देखिएको थियो ।
यो हाम्रो मुड खराब हुनुको मुख्य कारण हो । यसले हामीलाई निराशावादी बनाएर संसारप्रती अथवा हाम्रो द्यष्टिकोण परिवर्तन गर्न सक्छ ।
यदि तपाईको पनि मूड अफ भएको छ भने, त्यो समयमा तपाईले पनि जीवनमा भएका सम्पूर्ण नकरात्मक कुराहरुलाई राम्रोसँग याद गर्न खोज्नुहुन्छ ।

यिनै कुराहरुले तपाईंको मूड अफ हुन सक्छ । भोकले पनि तपाईंको ध्यान विचलित गर्छ । जसले गर्दा कुनै पनि काम गर्दा तपाईले आफ्नो ध्यान केन्द्रीत गर्न ग्राहो भइरहेको हुन्छ ।

भोकको कारण तपाईले आफ्नो नियन्त्रण शक्ती गुमाउन सक्नुहुन्छ । कसैलाई अली धेरै भोक लाग्ने गर्छ । शरिरको रगतमा ग्लुकोजको मात्रा घट्दा आफूलाई नियन्त्रण गर्न नसक्नका कारण धेरै भोक लागेको हुन सक्छ ।

संसारमा अधिकांश मानिसहरु नकरात्मक विचार र भावनाले भरिएका छन् । भोकले हाम्रो भावना र विचारहरु नियन्त्रण गर्ने क्षमतालाई नष्ट गर्छ । मध्यान्ह अथवा दिउँसोको खानाले बालबालीकाको १६ प्रतिशत मस्तिष्कको विकासमा सुधार गर्छ ।

पर्याप्त पोषक तत्वको कमीका कारण मस्तिष्कको विकास हुन र काम गर्न मस्तिष्कले संघर्ष गर्न सक्छ । जुन विद्ययालयमा बालबालीकालाई खानाको व्यबस्था गरिएको छ त्यहाका बालबालीकाको मस्तिष्कमा १३ देखि १६ प्रतिशतसम्म सुधार भएको अनुसन्धानले देखाएको छ ।