काठमाडौं । देशका ९८ प्रतिशत जनसंख्यामा बिजुलीको पहुँच पुगेको दाबी सरकारले गरेको छ ।

संघीय संसदको संयुक्त बैठकमा बजेट प्रस्तुत गर्दै अर्थमन्त्री वर्षमान पुनले ९८ प्रतिशत जनताको पहुँचमा विद्युत् पुगेको दाबी गरेका हुन् ।

अर्थमन्त्री पुनका अनुसार, साक्षरता दर पनि बढेको छ । साक्षरतादर यसअघि ५८ प्रतिशत रहेकोमा बढेर ७६.२ प्रतिशत पुगेको हो ।

गणतन्त्रको घोषणापछि निजामती सेवामा पहिलाको सहभागिता पनि बढेको छ । गणतन्त्रपूर्व १२ प्रतिशत महिलाको यसमा सहभागिता रहेकोमा बढेर २८.५ प्रतिशत पुगेको अर्थमन्त्री पुनको भनाइ छ ।

महिला, आदिवासी जनजाति, दलित, अपांगता र पिछाडिएका क्षेत्रका गरी २४ हजार १५२ जना निजामती सेवामा प्रवेश गरेका छन् ।

त्यसैगरी, घरजग्गामा महिलाको स्वामित्व, ३३.९, लैंगिक असमानता सूचांक ०.५२ बाट सुधार भई ०.४५ प्रतिशत पुगेको छ ।