काठमाडौं । प्रधानमन्त्री केपी शर्मा ओलीका विश्वासपात्र शंकर पोखरेलले प्रतिनिधिसभा विघटनमा ८ कारण प्रस्तुत गरेका छन् । सामाजिक संजाल फेसबुकमा लेख्दै पोखरेलले यस्ता ८ कारणले ओलीले प्रतिनिधिसभा विघटन गर्नुपरेकाे जनाएका हुन् । जसमा सभामुख अग्नी सापकोटा, सत्तापक्षकै समितिका सभापतिहरु, विभागीय मन्त्री, राष्ट्रपतिसमक्ष समावेदन दर्ता, प्रधानमन्त्रीका विरुद्ध अविश्वास प्रस्तावको हस्ताक्षर, प्रथम अध्यक्षविरुद्ध षडयन्त्रसहितका विषय उल्लेख गरेका छन् । यस्ता छन् पाेखरेलले दिएका कारण नेकपाको झण्डै दुई तिहाइको उपस्थिति रहेको प्रतिनिधि सभाले आफ्नो सान्दर्भिकता कसरी गुमायो ?१‍‍. सरकारको विजनेस सभामुखवाट अवान्छित रुपमा लामो समय रोकेर राख्नाले, २. सरकारवाट प्रस्तुत भएका विधेयकहरुमा सत्तापक्षकै समितिका सभापती र सांसदहरुको असहयोग रहनाले, ३. विधेयका सन्दर्भमा संसदीय समितिले गरेको निर्णयमा विभागिय मन्त्रीले नै असहमती राख्ने विडम्वनापूर्ण अवस्था सिर्जना हुनुले, ४. सत्तापक्षका प्रतिनिधिसभाका सदस्यहरु दलिय अनुशासन भन्दा वाहिर गएर प्रतिनिधिसभामा प्रस्तुत हुनाले, ५. पार्टी र संसदीय दलको निर्णय वेगर विशेष अधिवेशनको मागगर्दै राष्ट्रपति कार्यालयमा औपचारिक रुपमा समावेदन दर्तागर्न जानुले, ६. पार्टी र दलमा औपचारिक प्रस्ताव समेत नराखी प्रधानमन्त्रीका विरुद्धमा संसदिय पद्धति र परम्परा विपरित अविश्वास प्रस्तावका लागि हस्ताक्षर संकलन गर्नाले, ७. पार्टी एकता भएको लामो समयसम्म पनि पूर्व समुहका संसदीय दललाइ एकिकृत गर्न तयार नहुनाले । ८. पार्टी भित्रको अन्तरद्वन्द्व र प्रथम अध्यक्षका विरुद्धको गंभीर षडयन्त्रका साथै प्रतिनिधिसभामा सत्तापक्षको यो हविगत पनि प्रतिनिधिसभा विघटनको आधार तथा कारण वन्न पुग्यो । प्रतिनिधिसभा विघटनका लागि प्रधानमन्त्रीलाई औला देखाउनुहुने माननीयज्यूहरुले औला देखाउनुपूर्व यस बीचमा आफूहरुले खेलेको यस प्रकारको भूमिकाका वारेमा पनि आत्मसमिक्षा गर्ने कि !