काठमाडौं । केपी ओली सरकारका सहरी विकास मन्त्री प्रभु साहले प्रतिनिधिसभा विघटनको प्रधानमन्त्रीको कदम आत्मघाती भएको बताएका छन् । जनकपुरमा भएको कार्यकर्ता भेलामा मन्त्री शाहले प्रतिनिधिसभा विघटनबाट प्रधानमन्त्री ओली नै खुसी नभएको बताए । ‘केही नेता संसद प्रतिनिधिसभा विघटनलाई असंवैधानिक र प्रतिगमन भन्छन् । हामी आफैं पनि विघटनबाट खुशी छैनौँ । प्रधानमन्त्री केपी शर्मा ओलीजी समेत खुशी छैनन्’ साहले भने, ‘हामीले पाँच वर्षका लागि जितेका हौ भने तीनै वर्षमा छाडीदिउँ भनेर कसले चाहन्छ । यसबाट कोही खुशी छैनन् । त्यसैले यो आफैंमा आत्महत्या हो । तर यो बाध्यता पनि हो ।’ उनले विघटन संविधानसम्मत रहेको पनि बताए ।