काठमाडौं । नेपाल सरकारका अति विशिष्ट तथा विशिष्ट श्रेणीका पदाधिकारीले गर्ने विदेश भ्रमण, दिवा तथा रात्रिभोज एवं उपहारसम्बन्धी निर्देशिका, २०७२ अनुसार एउटा भ्रमणमा राष्ट्रपतिले १० हजार, प्रधानमन्त्रीले आठ हजार, उपप्रधानमन्त्रीले ६ हजार, मन्त्रीले पाँच हजारभन्दा बढी बक्सिस (टिप्स) दिएमा स्वयं बेहोर्नुपर्नेछ ।

यीबाहेकका पदाधिकारीले टिप्स दिन पाउँदैनन् । १० हजारभन्दा बढी टिप्स दिनुपर्ने अवस्था आएमा नेपाल सरकारको पूर्वस्वीकृति लिनुपर्ने हुन्छ ।

उपहारसम्बन्धी विषय व्यवस्थापनका लागि मुख्यसचिवको अध्यक्षतामा अर्थ, सामान्य प्रशासन, परराष्ट्र र उद्योग मन्त्रालयको प्रतिनिधि सम्मिलित समिति रहन्छ । उपहारको डिजाइन समितिले र तयार उद्योग मन्त्रालयले गर्छ, नयाँ पत्रिका दैनिकमा खबर छ ।