काठमाडौं । नेपाल विद्यार्थी संघले उल्टो हिडेर प्रतिनिधिसभा विघटनविरुद्ध विरोध प्रदर्शन गर्ने भएको छ । ५ पुसमा प्रधानमन्त्री केपी ओलीले असंवैधानिक रुपमा प्रतिनिधिसभा विघटन गरेको घटना लोकतन्त्रविरोधी रहेको भन्दै नेविसंघले शुक्रबार उल्टो हिँडेर विरोध प्रदर्शन गर्न लागेको जानकारी महामान्त्री बलदेव तिमल्सिनाले दिए । ‘प्रधानमन्त्रीले संविधानमा नभएको व्यवस्थाको अपव्याख्या गरी असंवैधानिक कदम चालेर प्रतिनिधिसभा विघटन गर्नु भनेको संविधान र लोकतन्त्रविरोधी हो’ तिमल्सिनाले भने, ‘यसैको विरोधमा शुक्रबार उल्टो हिँडेर हामीले विरोध प्रदर्शन गर्न लागेका हौं ।’ विरोध प्रदर्शन शुक्रबार दिउसो १ बजे माइतिघर मण्डलमा हुनेछ । माउ पार्टी कांग्रेसले केही दिन पार्टीसँग नजुध्ने गरी र विरोध र प्रदर्शन गर्न नेविसंघसहितका भ्रातृ संस्थालाई निर्देशन दिएको थियो । कांग्रेसले २५ पुसमा ३३० वटा प्रदेश निर्वाचन क्षेत्रमा प्रतिनिधिसभा विघटनका विरुद्ध प्रदर्शन गर्दैछ ।