काठमाडौं । कांग्रेस सभापति शेरबहादुर देउवाले प्रधानमन्त्री केपी शर्मा ओलीले चुनाव नगरेमा नेपालमा बस्न गाह्रो हुने बताएका छन् । नेपाली कांग्रेसले आयोजना गरेको देशभरका ३३० प्रदेश सभामा गरिरहेको विरोधसभाअन्तर्गत बुढानिलकण्ठमा सम्बोधन गर्दै देउवाले तोकिएको मितिमा चुनाव नभएमा प्रधानमन्त्री केपी शर्मा ओलीलाई नेपालमा बस्न गाह्रो हुने बताएका हुन् । उनले भने, ‘वैशाखमा चुनाव गराएनन् भने ओलीलार्य नेपालीहरुले नेपालमा बस्न नसक्ने स्थिति सिर्जना गर्छन् । ओलीले धनगढीमा चुनाव गराएर देखाउँछु भनेका छन् । चुनाव गराएनन् भने ओलीलाई नेपालमा बस्न गाह्रो छ ।’ सँगै उनले अदालतले चुनावमा जाने निर्णय गर्दा पनि प्रधानमन्त्ती ओलीले चुनाव नगरे उनलाई सडकबाटै हटाउनुपर्ने बताएका छन् ।