काठमाडौं । नेकपा प्रचण्ड–नेपाल समूहले प्रधानमन्त्री केपी ओलीबाट पूर्व प्रधानन्यायाधीशहरुलाई धम्क्याउने काम भएको भन्दै आपत्ति जनाएका छन् । सो समूहको सचिवालय बैठकले पूर्व न्यायाधीशहरुले प्रतिक्रिया दिएकै आधारमा प्रधानमन्त्रीबाट उनीहरुलाई धम्क्याउने काम भएको भन्दै आपत्ति जनाएको हो । प्रधानमन्त्री ओलीले प्रधानन्यायाधीश भइसकेकाहरुले कानुन नै नबुझी प्रतिनिधिसभा विघटनविरुद्ध बोलेको भन्दै आपत्ति जनाएका छन् । धम्क्याउने गतिविधि तत्काल रोक्न प्रधानमन्त्रीलाई चेतावनी दिइएकाे प्रवक्ता नारायणकाजी श्रेष्ठले जानकारी दिए । राष्ट्रिय सभामा बोल्दै ओलीले चार पूर्व प्रधानन्याधीशहरुको प्रतिक्रियाप्रति आपत्ति जनाएका थिए ।