एजेन्सी । कहिलेकाही बच्चाहरु तनावमा रहन्छन् । त्यस्तो बेलामा अधिकांश बालबालिकाले आफ्नो मनको कुरा अभिभावकलाई व्यक्त गर्न सक्दैनन् । बालबालिकाहरू परिवार, वरपरका मानिसहरू, विद्यालयका सहपाठीहरू, चलचित्रहरू र सामाजिक सञ्जालहरूबाट गहिरो रूपमा प्रभावित हुन्छन्।

जसले उनीहरुमा मानसिक दबाब उत्पन्न हुन्छ । उनीहरुले मनमा आएका आफ्ना विचलनहरु न त अभिभावकलाई भन्न सक्छन् न समस्याको समाधान गर्न नै । यसले गर्दा उनीहरु गहिरो मनोरोगको समेत सिकार हुन सक्छन् । अभिभावक पनि आफ्नो बच्चाको कुरा सुन्न भन्दा उनीहरुको आवश्यकतालाई ध्यान दिइरहेका हुन्छन् ।

उनीहरुको शिक्षा, स्वास्थ्य, खानपानमै अभिभावकको ध्यान केन्द्रित हुँदा कहिलेकाही उनीहरू बच्चाको भावाना बुझनबाट चुक्छन् । जसले बच्चाको दिमागमा गहिरो असर पुग्छ । त्यसैले अभिभावकले उनीहरुको आवश्यकतासँगै गतिविधिमा पनि ध्यान दिन अत्यावश्यक छ । जसले बच्चा आफ्ना कुरा ढुक्कसँग अभिभावकमा राख्न सकुन् ।

बालबालिकाको मानसिक स्वास्थ्य राम्रो बनाउन अभिभावकले यी कुरामा ध्यान दिनुपर्छ :

बच्चालाई भावना व्यक्त गर्न प्रोत्साहित गर्नुहोस्

अभिभावकले आफ्नो बच्चाको मूड कस्तो छ थाहा पाउनुपर्छ । उसले मनमा कस्तो कुरा खेलाउँदै, के सोच्दैछ, विचार इत्यादि कुरा अभिभावकले जान्नै पर्ने हुन्छ । अनि मात्र बच्चाले अभिभावकसँग आफ्नो मनमा लागेको कुरा बताउँछ ।

बच्चालाई समय दिनुहोस्

अचानक, यदि तपाईंले उसको कुनै विशेष व्यवहारको बारेमा सोध्नु भयो भने बच्चाले तपाईंलाई सत्य कुरा गर्न डराउँछन् । त्यसैले उसलाई हरेक दिन केही समय दिनुहोस्। कामको व्यस्तताबाट अलिकति समय निकालेर बच्चाको दिन कस्तो रह्यो, उसले दिनभर के गर्यो, कसरी समय बितायो जस्ता प्रश्नहरु हरेक दिन सोध्नुहोस् ।

बच्चाको गतिविधिबारे चासो राख्नुहोस्

बच्चालाई कस्तो प्रकारको गतिविधिमा रुचि छ, उसको मनपर्ने र मन नपर्ने कुरामा ध्यान दिनुहोस्। अर्कोतर्फ, यदि तपार्इं बच्चाको गतिविधिमा परिवर्तन वा उनीहरूको व्यवहारमा केहि फरक महसुस गर्नुहुन्छ भने, त्यसपछि बच्चासँग कुरा गर्नुहोस् ।
तिनीहरूको व्यवहारमा परिवर्तनको कारण के हो भनेर पत्ता लगाउने कोशिस गर्नुहोस् । केटाकेटीहरू समस्यामा पर्दा वा दबाबमा हुँदा आफूले रमाइलो गर्ने कुराहरूमा चासो दिँदैनन् । त्यस्तो समय बच्चाले मनमै कुरा राख्दा यसले उसको मानसिक स्थितिमासमेत समस्या आउन सक्छ ।

गाली तथा रिस नदेखाउनुहोस्

बच्चालाई गाली गर्दा वा रिस देखाउँदा यसले उनीहरुको मष्तिष्कमा असर गर्छ । जसकारण उनीहरु राम्रोसँग अभिभावकलाई आफ्नो कुरा राख्न सक्दैनन् । त्यसैले उनीहरुलाई सकेसम्म गाली वा रिसबाट टाढा राख्नुहोस्