काठमाडौं । गत कात्तिक १७ मा जाजरकोटको रामीडाँडा केन्द्रविन्दु भएर गएको भुकम्पका कारण यतिबेला उच्च जोखिममा रहेका सुत्केरी महिला, बालबालिका तथा जेष्ठ नागरिक थप प्रभावित भएका छन् ।

तर सरकारले यी उच्च जोखिममा रहेका समूहलाई थप मध्यनजर गरेर राहतको व्यवस्थापन गर्न नसक्दा उनीहरू झनै मर्कामा परेका छन् ।

प्राकृतिक विपद आइपर्दा समाजका उच्च जोखिममा रहेका वर्ग सधैं थप चपेटामा पर्छन् । तर उनीहरूको उचित व्यवस्थापनका लागि राज्यले बलियो नीति लिन नसक्दा अवस्था झनै विग्रिदैं जान्छ । परिणामतः दीर्घ रोगी, सुत्केरीले जाजरकोटको चिसोकै कारण ज्यान गुमाइरहेका छन् ।

नेपालवाचको नियमित टेलिभिजन प्रस्तुती पोलिसी डायलगको आजको श्रृंखलामा विपद्को सामाजिक पाटो र त्यसको दीर्घकालिन व्यवस्थापनका लागि आवश्यक नीतिको बारेमा छलफल गरिएको छ ।

महिला पुनस्र्थापना केन्द्र(ओरेक) की अध्यक्ष रेनु राजभण्डारी, राष्ट्रिय विपद् जोखिम न्युनिकरण तथा व्यवस्थापन प्राधिकरण र राष्ट्रिय योजना आयोगकी सदस्य डा अनिता शाह ढुंगानासँग कार्यक्रम प्रस्तोता तथा राष्ट्रिय सभा सदस्य डा बिमला राई पौड्यालले संवाद गरेकी छन् ।

कार्यक्रमको पूरा अंश तलको भिडियोमा हेर्न सक्नुहुनेछ ।