काठमाडौं । नेपालमा अधिकांश बालकालिकाले विद्यालय तहको पढाइ बिचमै छाड्ने समस्या बढ्दो छ । यसको मुुख्य कारण आर्थिक स्थिती कमजोर नै रहेको भेटाइन्छ । यही समास्याको समाधानको लागि जन्मिएको संस्था हो क्यानोपी नेपाल ।

क्यानोपी नेपालको स्थापना भएको नाैं वर्ष भइसकेको छ । यो समयमा क्यानोपीले धेरै विद्यार्थीको उच्च शिक्षा हासिल गर्ने सपना पूरा गरेको छ । जो उच्च शिक्षा पढन् चाहन्छन् तर आर्थिक स्थिती कमजोर भएकै कारण विद्यालय जान सक्दैनन् त्यस्ता विद्यार्थीलाई गुणस्तर शिक्षा दिन क्यानोपी सारथी बनिरहेको छ । जो बालबालिका कक्षाकोठामा छैनन्, ती बालबालिकालाई कक्षामा फिर्ता ल्याउने मुख्य उदेश्य क्यानोपीले लिएको छ ।

यो नाैं वर्षको दौरान क्यानोपीले २५० भन्दा बढी विद्यालयका २१ हजार बढी विद्यार्थीसँग काम गरिसकेको छ । क्यानोपीले दुुई वटा कार्यक्रममार्फत  विद्यार्थीको लागि काम गर्दै आएको  छ । जसमा क्यानोपी नेपाल छात्रवृत्ति र करिकुुलम डिजाइन छन् ।

पहिलो कार्यक्रम अन्तर्गत क्यानोपीले जो विद्यार्थी विद्यालय ‘ड्रप आउट’ बारे सोचिरहेका छन् उनीहरुलाई पहिचान गरेर पुन : कक्षाकोठामा फिर्ता ल्याउने र आवश्यक रहेको सबैमा सहयोग गर्नेदेखि सिपयुुक्त तालिमसम्मको काम क्यानोपीले गर्छ ।

दोस्रो कार्यक्रममा अन्तर्गत क्यानाेपीले कथा बुुनौ र भनौं कार्यक्रमा चलाइरहेको छ । जसको उद्देश्य बालबालिकामा कथा लेख्ने सिपको विकास गर्नुकाे साथै उनीहरूको भोगाइ र कल्पना कथामार्फत बाहिर ल्याउनु हो । कथा भनौ अवधारणालाई क्यानोपीले नेपालभरी नै लागुु गर्ने सोचसमेत बनाएको छ ।

नेपालवाचको नियमित भिडियो प्रस्तुती एजुकेशन डायलगको नयाँ श्रृंखलामा यो पटक प्रस्तातो तथा किंङ्स कलेजका प्रधानाध्यापक नरोत्तम अर्यालले क्यानोपी नेपालका संस्थापक मोहित रौनियारसँग कुराकानी गरेका छन् ।

कुराकानीमा क्यानोपि नेपाल स्थापनाको उदेश्य, यसले विद्यार्थीलाई गर्ने सहयोग, नेपालको उच्च शिक्षाको अवस्था र शिक्षा सुुधारमा गर्नुपर्ने विषय समेटिएका छन् ।  कुराकानीको पूरा अंश तलको भिडियोमा हेर्नुुहोस् :