रुपन्देहीका २२५० कार्यकर्ताले नेकपा छाडे
नेपाल वाच/प्रदेश पाँचको राजधानी बुटवलबाट दाङ लाने गरी पार्टी निर्णय गर्दै ह्वीप लगाएको विरोधमा नेकपाका बाइस सय ५० कार्यकर्ताहरुले राजीनामा दिएका छन् । नेकपा निकट उद्योगी व्यवसायीहरुले प्रदेशको राजधानी रुपन्देहीको बुटवलबाट दाङको देउखुरी लाने गरी पार्टीले गरेको निर्णयमा असहमति जनाउँदै विरोधस्वरुप पार्टीबाट सामूहिक राजीनामा गरेका हुन् । व्यवसायीहरुले सांसदको अधिकार बञ्चित गर्नेगरी ह्वीप लगाएर अपमानित तरिकाले राजधानी सार्ने निर्णय लिएको भन्दै आपत्ति जनाएका छन् । उद्योग वाणिज्य संघ, उद्योग संघ, होटल तथा रेष्टुरेन्ट व्यवसायी महासंघ, रुपन्देही उद्योग व्यापार महासंघ, पश्चिम नेपाल बस व्यवसायी पालिसहितका विभिन्न ५० वटा संघ संस्थामा आवद्ध नेकपाका कार्यकर्ताहरुले पत्रकार सम्मेलन गर्दै राजीनामा घोषणा गरेका हुन् ।नेपाल उद्योग परिसंघका प्रदेश संयोजक एजाज आलमले नेताहरुले कार्यकर्ता र मतदाताको अपमान गरेको आरोप लगाए । प्रदेश सरकारको स्थायित्वको लागि संघ संस्थाहरुले भौतिक संरचनाको विकासको लागि सहयोग गरे पनि सहयोगको अबमूल्यन गरी राजधानी नै सार्ने गरी कदम अघि बढाएकोमा आपत्ति जनाए ।
ताजा अपडेट
-
सहकारी ठगीमा संसदीय समिति बनाउन सहमति, कानूनमन्त्रीको नेतृत्वमा मस्यौदा कार्यदल गठन
-
राष्ट्रिय परिचयपत्र हुनेले अब लाइसेन्स बोक्नु नपर्ने
-
२५ चालकमाथि चेकजाँच हुँदा ६ जनाले लागुऔषध सेवन गरेर सवारी चलाएको भेटियो
-
नेपाल प्रहरीका चार एसएसपीको डिआइजीमा बढुवा सिफारिस, यही ब्याचबाट आइजिपी हुने
-
ट्रकको ठक्करबाट धादिङमा मोटरसाइकल चालकको मृत्यु
प्रतिक्रिया