काठमाडाैं । सर्वाेच्च अदालतले लोकसेवा आयोगको राजपत्राङ्कित प्रथम श्रेणीको परीक्षा रोक्न अन्तरिम आदेश दिएको छ । परीक्षार्थी रमेशराज सुवेदीले दायर गरेको रिटको सुनुवाइ गर्दै सर्वोच्च न्यायाधीश मनोजकुमार शर्माको एकल इजलासले यस्तो आदेश दिएको हो । आयोगले गत २९ असोजमा नेपाल विविध सेवा समूहअन्तर्गत राजपत्राङ्ति प्रथम श्रेणीको सूचना प्रविधि विज्ञ पदको विज्ञापन गरेको थियो । विज्ञापनअनुसार परीक्षा दिएका मध्ये तीन जना अन्तर्वार्ताका लागि सिफारिस भएका थिए । भने आयोगले २९ असोजका लागि अन्तर्वार्ताको दोस्रो मिति तय गरेको थियो । तर अन्तर्वार्ता दिनेमध्येका सुवेदी कोरोना संक्रमित देखिएका थिए । कोरोनाका कारण परीक्षार्थी परीक्षमा सामेल हुन गाह्रो हुने भन्दै सर्वोच्चले रोक लगाएको हो । सर्वोच्चले अहिलेकै अवस्थामा परीक्षा लिए परीक्षार्थीलाई अपुरणिय क्षति पुग्ने भन्दै आयोगका सम्पूर्ण निर्णयहरु यथास्थानमा राख्न निर्देशन दिएको हो ।