काठमाडौंको जडिबुटीबाट १६ वर्षअघि अपहरण शैलीमा लूटपाट गर्ने पक्राउ परेका छन् । काठमाडौंको जडिवुटीबाट नारायण खनाललाई अपहरण शैलीमा नियन्त्रणमा लिएर मुखमा टेप लगाइ बोल्न कराउन नसक्ने अवस्थामा पुर्याएर लूटपाट गरेका थिए । त्यतिबेला उनलाई जबरजस्ती भ्यानमा कोचेर एकान्तस्थानमा लगी उनको साथमा रहेको नगद, मोटरसाइकल र मोवाइल गरी जम्मा ११ लाख ६३ हजार ९ सय रुपैयाँ लुटपाट गरेका थिए । मकवानपुरस्थित हेटौडा उपमहानरपालिका ७ नागसोतीका ३९ वर्षीय जगन्नाथ ढकालसहित ११ जनाले खनालको सम्पत्ति लुटपाट गरेका थिए । सोही घटनामा ढकाल भने लुकिछिपी बस्दै आएका थिए । उनी विदेशमा बस्दै आएको र अहिले नेपाल आइ लुकिछिपी अवस्थामा रहेको बेला पक्राउ गरेको प्रहरी जनाएको छ । अपराध महाशाखाबाट खटिएको विशेष टोली, जिल्ला प्रहरी कार्यालय मकवानपुर र इलाका प्रहरी कार्यालय पशुपतिनगरबाट खटिएको संयुक्त टोलीले उनलाई सोमबार दिउँसो हेटौडा उपमहानगर ७ नागसोती पक्राउ गरेको हो । प्रहरीले ढकाललाई फैसला कार्यान्वयनको लागि आजै काठमाडौं जिल्ला अदालत पठाइको छ । कसरी भएको थियो घटना ? ७ असोज ०६१ मा नारायण खनाल बनेपा मिटिङबाट बा १६ प ६८२१ नम्बरको मोटरसाईकलमा फर्कदै थिए । उनी जडिवुटीमा आईपुग्दा ५ जना व्यक्तिहरुले सुरक्षाकर्मी भएको भन्दै मोटरसाईकल रोकेका थिए । त्ससपछि उनीहरुले खनाललाई बोल्न कराउन नदिई मुखमा टेप लगाएर भ्यान भित्र राखे र एकान्तस्थानमा लगे । उनले आफ्नो ब्यागमा १० लाख २५ रुपैयाँ बोकेका थिए भने उनको मोवाइल र पल्सर मोटरसाईकलसमेत लुटपाट गरेका थिए । सो घटनाको अनुसन्धानको क्रममा ढकालसहित ११ जनाको संलग्नता रहेको भेटिएको थियो । त्यसपछि १३ फागुन ०६३ मा पाटन उच्च अदालतको आदेशमा थुनामा राख्ने आदेश भएको थियो । त्यसपछि उनी फरार रहेका थिए । पछि ०६४ साल भदौ ६ गतेको काठमाडौं जिल्ला अदालतको फैसलाले ढकाललाई ६ वर्ष कैद र १ लाख ९६ हजार ६५० रुपैयाँ जरिवाना हुने फैसला गरेको थियो ।