काठमाडौं । नेकपा सचिवालय सदस्य तथा गृहमन्त्री रामबहादुर थापा ‘बादल’ले आफ्ना निकट नेतासँग गरेको भेलामा प्रधानमन्त्रीले संसद विघटन गरेको कदमलाई प्रतिगामी भएको निष्कर्ष निकालेका छन् । गृहमन्त्री थापाले आफ्नो मन्त्री क्वाटरमा गरेको भेलाबाट प्रधानमन्त्रीको कदम गलत भएको निष्कर्ष आएको हो । त्यस्तै, गृहमन्त्रीका प्रेस सल्लाहकार किरण भट्टराईका अनुसार प्रचण्ड पनि बैठक सकिएपछि पुल्चोक पुगेका थिए । भट्टराईका अनुसार गृहमन्त्रीले आफू निकट नेताहरुसँग गरेको छलफलबाट आएको निष्कर्ष साँझसम्ममा सार्वजनिक गर्नेछन् । भेलामा पम्फा भुसाल, देव गुरुङ्गसँगै अन्य दुई दर्जन नेताहरु सहभागी थिए ।