काठमाडौं । राजनीतिक रुपमा विभाजिक नेकपाका अध्यक्ष पुष्प कमल दाहाल ‘प्रचण्ड’ले नयाँ सरकार बनाउने घोषणा गरेका छन् । प्रचण्डले संसदलाई पुर्नस्थापीत गरेर नयाँ सरकार बनाउने बताएका हुन् । आज बसेको नेकपाको प्रचण्ड–नेपाल समुहको बैठकमा संसदीय नेता चयन भएपछि प्रचण्डले प्रतिनिधिसभा विघटन अवैधानिक भएको भन्दै संसद पुर्नस्थापीत गरेर नयाँ सरकार बनाउने बताएका थिए । उनले भने, ‘संसद् पुनस्र्थापित गरेर नयाँ सरकार बनाउने हाम्रो प्रतिवद्धता छ । अरु संसदीय दलका नेताहरुसँग पनि छलफल गरेर नयाँ परिस्थितिको निर्माण गर्छौ ।’ बानेश्वरस्थित संसद भवनमा बसेको प्रचण्ड–नेपाल समूहको संसदीय दलको बैठकमा आज १ सय १७ जना सांसद उपस्थित थिए ।