काठमाडौं । मंगलबार बालुवाटारमा बसेको नेकपाको ओलीपक्षीय केन्द्रीय कमिटीको बैठकबाट केन्द्रीय सदस्यको रुपमा चुनिएका नेकपा ताप्लेजुङ जिल्ला कमिटी सचिवालय सदस्य डम्बरधोज तुम्बाहाम्फेले आफूलाई दिईएको पद अस्वीकार गरेका छन् । तुम्बाहाम्फेले एक विज्ञप्ती जारी गर्दै आफूलाई केन्द्रीय सदस्य बनाएको निर्णयप्रति असहमती रहेको बताएका छन् । उनले विज्ञप्तीमा आफूलाई थाहै नदिइ सो निर्णय लिईएको र निर्णयसँग आफू सहमत हुन नसकेको बताएका छन् । सँगै उनले आफू नेकपाको प्रचण्ड–नेपाल समूहमा रहेको कुरा पनि विज्ञप्तीबाट प्रष्ट पारेका छन् । ‘मलाई थाहै नदिइ मेरो नाम कमरेड केपी शर्मा ओली समूहको केन्द्रीय सदस्यमा राखिएको प्रति मेरो असहमति छ,’ उनले विज्ञप्तीमा भनेका छन्, ‘म पार्टीको बहुमत केन्द्रीय सदस्यहरुले प्रतिनिधित्व गरेको अर्थात क. प्रचण्ड र क. माधव नेपाल नेतृत्व गरेको नेकपा आवद्ध रहेको छु ।’ विज्ञप्ती