काठमाडौं । नेकपाका सांसद शेरबहादुर तामाङ नेकपाको ओली समूह छाडेर प्रचण्ड समूहतर्फ लागेका छन् । तामाङ राजनीतिक रुपले विभाजित नेकपाको ओली समूहको सोमबार र मंगलबारको बैठकमा सहभागी भएका थिए । तर, बिहीबार भने तामाङ पुनः प्रचण्ड समूहतर्फ फर्किएका छन् । प्रधानमन्त्री केपी शर्मा ओलीले आइतबार प्रतिनिधिसभा विघटन गरेसँगै नेकपाका नेताहरुले आफ्नो गुट हेरफेर गरिरहेका छन् । यसैबिच आफ्नो हस्ताक्षरलाई प्रचण्ड समूहले अविश्वासको प्रस्तावमा दुरुपयोग गरेको समेत बताएका तामाङले भने अहिले आफूलाई प्रचण्ड समूहकै कुरा चित्त बुझेकाले उक्त समूहतर्फ फर्किएको बताएका छन् । तामाङकी श्रीमती उषाकला राईले पनि ओली पक्षको निर्णयबाट आफूलाई केन्द्रीय कमिटी सदस्यमा राखिएको कुरालाई अस्वीकार गरेकी थिईन् ।