काठमाडौं । गृहमन्त्री तथा नेकपाका सचिवालय सदस्य राम बहादुर थापा ‘बादल’का सल्लाहकार सूर्य सुवेदी ‘पथिक’ थापाको सल्लाहकारको जिम्मेवारीबाट हटेका छन् । सुवेदीले सामाजिक सञ्जालमार्फत आफू राजनीतिक र नैतिक दुवै दृष्टिले गृहमन्त्री थापाको सल्लाहकारको भूमिकाबाट हटेको जानकारी दिएका हुन् । उनले लेखेका छन्, ‘गृहमन्त्री आदरणीय क. राम बहादुर थापा बादलको सचिवालय र उहाँको राजनीतिक सल्लाहाकारको भूमिकामा आजबाट राजनीतिक र नैतिक दृष्टिले नरहेको जानकारी गराउंँछु।’ प्रतिनिधिसभा विघटनसँगै नेकपाका नेताहरु आफ्नो आफ्नो गुटतर्फ लागेका छन् । यसकै असर गृहमन्त्री र उनका सल्लाहकारमा पनि देखिएको छ । गृहमन्त्री थापाले नेकपाको ओली समूहमा सामेल हुने निर्णय गरेसँगै उनका सल्लाहकार सुवेदीले उनको साथ छाडेका छन् ।