काठमाडौं । नेकपाको पुष्पकमल दाहाल ‘प्रचण्ड’ र माधवकुमार नेपाल पक्षले प्रतिनिधिसभा विघटनविरूद्ध आन्दोलनमा जाने भएको छ । सो समूहले केन्द्रीय कमिटी बैठकले यस्तो निर्णय गरेको हो । प्रतिनिधिसभा विघटनविरूद्ध काठमाडौ लगायतका सहरमा दैनिक आन्दोलन गर्ने निर्णय पनि गरेको छ । जसका लागि प्रवक्ता नारायणकाजी श्रेष्ठको नेतृत्वमा २ हजार ५०१ सघर्ष समिति गठन पनि गरेको छ । यस्तै, आगामी १० पुसको ९ः३० बजे सबै केन्द्रीय सदस्य र सासंदलगायत माइतीघरमा भेला भएर निर्वाचन आयोग जाने भएका छन् भने आगामी एक हप्ताभित्र प्रदेशहरूको बैठक सम्पन्न गर्ने निर्णय भएको प्रवक्ता श्रेष्ठले जानकारी दिए । यस्तो छ कार्यतालिका १४ गतेभित्र जनसंगठनका भेला बैठक सम्पन्न गर्ने१२ गते ७७ जिल्लाहरूको भेला बैठक गर्ने१४ गते ७७ वटै जिल्लामा प्रतिनिधिसभा विघटनविरूद्ध आन्दोलन२० गतेभित्र नगर/गाउँपालिकासम्म बैठक, भेला गर्ने२५ गतेभित्र वडाहरूमा बैठक भेला सम्पन्न गर्ने