काठमाडौं । नेकपाको पुष्पकमल दाहाल ‘प्रचण्ड’ र माधवकुमार नेपाल पक्षले पार्टीका नयाँ महासचिव स्थायी समितिको बैठकबाट चयन गर्ने भएको छ । प्रवक्ता नारायणकाजी श्रेष्ठले आज सम्पन्न केन्द्रीय कमिटीको बैठकले स्थायी समितिले आवश्यक निर्णय गर्न सक्ने गरी अधिकार दिएको बताए । श्रेष्ठका अनुसार अब बस्ने स्थायी समितिको बैठकले नयाँ महासचिव तोक्ने छ । प्रधानमन्त्री केपी ओली समूहको नेकपामा महासचिव विष्णु पौडेल गएपछि सो पद रिक्त रहेको छ । नेकपा उपाध्यक्ष वामदेव गौतम ओली र प्रचण्ड दुवै तिर नखुलेकाले उनी बाहेक अन्य ४ जना सचिवालय सदस्य पनि स्थायी कमिटीबाटै चयन गरिने प्रवक्ता श्रेष्ठले बताए ।