काठमाडौं । संसद् विघटनविरुद्ध परेका रिटमा सर्वोच्चले दोस्रोपटक सुनुवाई गर्दैछ । शुक्रबार सर्वोच्चको संवैधानिक इजलासमा उक्त रिटमाथि सुनुवाई हुँदैछ । रिटमाथि सुनुवाइका लागि प्रधानन्यायाधीश चोलेन्द्र शमसेर जवराले आफूसहित हरिकृष्ण कार्की, विश्वम्भरप्रसाद श्रेष्ठ, अनिलकुमार सिन्हा र तेजबहादुर केसीलाई संवैधानिक इजलासमा समेटेका छन् ।संसद् विघटनविरुद्ध सर्वोच्चमा १३ रिट दायर भएका छन् । ती सबै रिटको छिनोफानो संवैधानिक इजलासले गर्दैछ । राष्ट्रिय राजनीतिमा हलचल ल्याएको संसद् विघटनविरुद्धको मुद्दामाथि सर्वोच्चको फैसला निर्णायक हुनेछ । तर, संसद् विघटनको महत्वपूर्ण रिटमाथि सुनुवाइका लागि प्रधानन्यायाधीश जवराले आफूअनुकुलका न्यायाधीशलाई इजलासमा समेटेका छन् । उनले रोलक्रममा रहेका दीपककुमार कार्की र मिरा खड्कालाई नियमित इजलासमा पठाएर आफू पक्षधर न्यायाधीशलाई संवैधानिक इजलासमा समेटेका छन् ।