इलाम । इलाममा ६.५ मेगावाटको जलविद्युत आयोजना सञ्चालनमा आउने भएको छ । इलामको सिद्धिखोलाबाट ६।५ मेगावाटको जलविद्युत् सञ्चालन हुन लागेको हो । रोङ गाउँपालिकामा र सूर्योदय नगरपालिकाको सिमाना बनाएर बग्ने सिद्धिखोलामा सिद्धि हाइड्रो सञ्चालनमा ल्याइ ६.५ मेगावाट जलविद्युत उत्पादन गर्न लागिएको हो । आगामी वर्ष २०७८ साउनसम्ममा काम सम्पन्न हुने इञ्जिनीयर दिवस भट्टराईले बताए । भट्टराईका अनुसार आयोजना पुरा गर्दा करिब एक अर्ब २० करोड रुपैयाँ लगानी हुनेछ । यस खोलामा यसअघि लुम्बिनी हाइड्रोले १०.२ मेगावाट बिजुली निकाल्ने तयारी गरेको थियो । तर खोलामा पानीको मात्रा कम भएकाले बढी विद्युत् निकाल्न नसकिने भन्दै ६.५ मेगावाट विद्युत् उत्पादनको तयारी थालिएको हो ।